Fehmi AJVAZI: “TRADHËTIA E SHUMËFISHTË”

Botohet libri i autorit Fehmi Ajvazi (ish gazetar, politolog dhe shkrimtar), me titull: “TRADHËTIA E SHUMËFISHTË” (Dosja Haki L & Kapllan R). Në përmbajtjen e këtij libri në volum prej 312 faqesh, ndër të tjera mund të lexoni: Kush ishte “shkrimtari i shpifur jugosllav” Kapllan Resulbegoviqi ? Si u kamuflua (nga një figurë kontradiktore për nga prejardhja, formësimi ideologjik dhe arsimor), në një figurë me mbulesën e “shkrimtarit shqiptarë” e që në të vërtetë, s’dinte të shkruante shqip ? Si u kamuflua pastaj, edhe në një “aktivist politik” që thoshte se, po luftonte për kauzën e drejtë të Kosovës dhe, dhe të shqiptarëve ? Si u përgatitë Kapllani në cilësinë e agjentit ushtarak të vepronte në fushat kulturo-arsimore, kur dhe pse Kapllani kaloi nga Beogradi, në Shkup? Cila është ana e errët e Kapllanit mes viteve: 1956-2022: Si e aktroi lojën e “patriotit shqiptarë”, Kapllan Resulbegoviqi në Shkup? Kush ishte Xhevdet Resulbegoviqi - kolonel i KOS-it i cili, shërbente në kazermën ushtarake të APJ-së në Shkup ? Kur Kapllani u vendos në Shkup më 1956 pse sektori i UDB-së federale në Shkup, ia hapi Kapllanit “dy dosje” si armik i Jugosllavisë”? Në kontekst, pastaj, qysh veproi Kapllan Resuli (me katër mbiemra) dhe si e kaloi: gjysmën e jetës e jetoi “si shqiptar” i kamufluar, dhe gjysmën tjetër si “serbo- malazez” i lindur ? Ç’bëri Kapllani kur kaloi në Shkup, me se u mor, ku punoi si mësues, me kënd u martua – nëse ishte martuar fare, pse u burgos në vitin 1959? Si e aktroi “rolin e patriotit të madh shqiptarë” në burgun e Idrizovës ? Kur kaloi ilegalisht në Shqipëri...? Ç’bëri Kapllani kur kaloi në Shqipëri, dhe si e aktroi rolin e “shkrimtarit” në kampin e Çermës në cilësinë e “agjentit të fjetur” ? Cila është historia e një romani që u botua nën emrin dhe mbiemrin e tij, më 1965? Si përfundoi romani me titull “Tradhëtia” ( një nga romanet më të mira të letërsisë shqipe me motiv politik dhe historik) nën autorësinë e Kapllanit? Mbasi që u botua ky roman në Tiranë, ç’farë ndodhi në Prishtinë gjashtë muaj pas botimit të romanit ? Kush ishte profesori dhe intelektuali i jashtëzakonshëm Haki Limani nga Tërnava e Preshevës, i cili u aksidentua për vdekje më 26 dhjetor të vitit 1965? Pse u aksidentua për vdekje Hakiu nga dy civil serbë, e që nuk ishin civil...? Cili ishte rrjeti agjenturorë që e likuidoi Hakiun ? Pse e likuidoi shërbimi i fshehtë ushtarak KOS (në bashkëpunim me UDB-në) profesorin e letërsisë dhe të gjuhës shqipe Haki Limanin? Çka fshihej pas eliminimit të Hakiut, vdekja e të cilit zyrtarisht u përkufizua s’i “aksident” komunikacioni? A shkruante Haki Limani? Apo, cila është e vërteta (historia) e autorësisë së romanit “Tradhëtia”? Ku, dhe në bashkëpunim me kënd Haki Limani e përgatiti “dorëshkrimin”? Si i grumbulloi të dhënat, faktet, dëshmitë dhe kështu, cila është tematika, përmbajtja, narracioni i këtij romani...? S’i ra në lajthitje Lidhja e Shkrimtarëve dhe e Artistëve të Shqipërisë, në të vërtetë Komiteti Qendror i PPSHsë në relacion me botimin e romanit, ndonëse sjelljet dhe propaganda që zhvillonte Kapllani aso kohe në Shqipëri, logjikisht shkaktonte dilema dhe dyshime publike lidhur me personalitetin e tij...? Pas botimit të romanit ( 1965), si e shfrytëzoi Kapllan Resulbegoviqi “famën” që i solli romani ? Pse iu shtuan romanit në botimin e dytë (1967) me institimin e Kapllanit edhe 133 faqe ? Ku u përgatitë, si u plotësua, dhe si u redaktua më tej përmbajtja e romanit të botimit të dytë ? Pse me urdhër të Komitetit Qendror të PPSH-së, botimi i dytë i romanit u shtyp në 20 000 kopje: “5000” kopje ( ekskluzivisht), u destinuan që të futeshin ilegalisht në mesin e shqiptarëve në Kosovë dhe në viset e tjera në Jugosllavi ? Pas botimit të dytë të romanit më 1967, Kapllani u bë një nga shkrimtarët më të njohur në Shqipëri, në Kosovë e më gjerë në mesin e shqiptarëve: Si dhe, pse kaloi Kapllani nga roli i “agjentit të fjetur”, në rolin e “agjentit aktiv”? Ç’farë bëri Kapllani pastaj në rolin e agjentit aktiv, dhe a e kishte krijuar një rrjet të fshehtë subverziv të bashkëpunëtorëve Kapllani në Tiranë ? Pse e shkroi “Programin dhe Statutin e Frontit Nacional - Çlirimtar të Kosovës” që, kishte për qëllim organizimin e një kryengritje në vitet e 70-ta në Kosovë ? Si u përgatitë dhe si e bëri planin ( me kend) Kapllani për tu arratisur nga Shqipëria dhe për t’u kthyer në Jugosllavi? Kur u arrestua Kapllani, dhe pse u arrestua ? Cila është “përmbajtja e letrës” që përgjatë burgut hetues, në të vërtetë, para se të fillonte gjykimi i tij, Kapllani ia drejtoi Enver Hoxhës? Me sa vite burg u dënua Kapllan Resulbegoviqi ? Si u shndërrua Kapllani në një “figurë të ndërgjegjes kombëtare shqiptare”, dhe cili ishte presioni politik dhe mediatik për lirimin e Kapllanit nga burgu ? Cili ishte “Kapllani i vërtetë” pasi doli nga burgu i Burrelit në vitin 1990? Si u shndërrua Kapllani në një “mandelë” shqiptarë, ndërsa që ai, thjeshtë, ishte një agjent sekret i zbulimit ushtarak jugosllav? Pse Kapllani u largua nga Shqipëria pasi që doli nga burgu dhe zgjodhi Zvicrën, në të vërtetë Gjenevën ku, edhe mori azil politik ? Pse Kapllani u kthye në Shkup – Çegran në vitin 1993 ? Pse erdhi në Prishtinë, dhe me kënd u takua? Ku shkoi pastaj, dhe ku u deklarua publikisht se “nuk ishte shqiptarë por një serbo-malazias”...? Cila ishte jeta private e Kapllanit dhe cila jeta publike mbasi që Kapllani në vjeshtë të vitit 1993, deklaroi hapur në Ulqin, pastaj edhe në një intervistë në gazetën “Pobjeda” të Podgoricës se, ai thjeshtë nuk ishte një shqiptarë, veçse një serbo-malazias? Ç’farë emra serb u la djalit dhe vajzës së tij: “Arbanit dhe Arbanës” ? Si i përçau e hasmoi mes vete shqiptarët Kapllani ? Si i manipuloi rrethet kulturo-latare për dekada me radhë: në Prishtinë, Shkup dhe Tiranë ? Çka tha, çka shkroi, çka botoi kundër shqiptarëve Kapllani për mbi 30 vite pas daljes së tij nga burgu i Burrelit ? Ndër të tjera, çfarë libra shkroi Kapllani në serbisht dhe, ku i botoi ? Si e ka mohuar Kapllani kombin shqiptarë në shkrimet e tij, dhe cilat janë “tezat” e tij mohuese ? Cila është teza e tij më e rrezikshmja e derisotme nga të gjithë ideologët dhe pinjollët e nacionalizmit dhe hegjemonizmit serbomadh...? Çka do të thotë teza e tij ”Diaspora”, e që është teza e fundit me pikëpamje raciste, asimiluese dhe shpërbërëse e kombit shqiptarë nga doktrina hegjemoniste dhe ekspansioniste serbomadhe ? A, është sot duke u zbatuar në terren kjo “tezë”, kuptohet, krahas tezave të mëparshme, si: mohimi, dëbimi, konvertimi, fetarizimi, asimilimi etj. ? Si e shkatërroi Kapllani përmbajtjen e romanit “Tradhëtia” (pahetueshëm) pas vitit 1999 ? Kur vdiq dhe, a vdiq Kapllani si serb? Kush e organizoi ceremoninë mortore, dhe ku u varros Kapllani...? Në krejt këtë histori, pse figura e Haki Limanit është e madhe, e pazëvendësueshme, pavarësisht fatit të tij tragjik? Pse duhet t’i merret autorësia e romanit “Tradhëtia” Kapllani Resulbegoviqit (Buroviqit), dhe t’i kthehet Haki Limanit...?