Pas atij shiu aq te merzitshem, me ne fund ai pa nje dritesim rrezellites ndane dritares. Mos po i faniteshin projektoret e diskotekes? Per te provuar se nuk ishte ne enderr, preku togezen e pantallonave. Pastaj, kur hapi deren, mbeti i befasuar. Skaji i nje ylberi perfundonte bash ne oborrin e tij. Djali ndjeu nje ngazellim te menjehershem dhe, pa e zgjatur, rrembeu tufalakun e ngjyrshem dhe doli ne rruge, duke e terhequr pas vetes. Ec e terhiq, ec e terhiq, teksa qemeri perkulej vazhdimisht, ai po shkonte drejt qendres se qytetit thuajse symbyllazi. Nje ngashenjim fergellues sikur e shtynte vetiu per atje. Me gjase, ne anen e matanshme te qytetit dikush e terhiqte skajin tjeter, duke iu afruar qendres gjithashtu. Kur ylberi mori formen e rrethit te plote, ata u bene bashke. Tani nuk ishte vetem nje djale, por nje djale e nje vajze. Dhe as qe pati nevoje per fjale, u ra ne koke me veshtrimin e pare.Mirepo per te provuar se nuk ishte ndonje magjepsje virtuale, por nje skene reale, ajo zgjati duart per ta prekur. Merret me mend, as ai s’i kishte te lidhur krahet e tij. E keshtu, me t’u prekur te dy, dalldise se vajzes iu shtua edhe joshja e djalit, ndersa ngashenjimit te djalit edhe dalldia e vajzes.
Pastaj, me syte e fiksuar te rrethorja gjithe ngjyra, asaj i gurgulloi zeri kur pyeti:
- E cfare eshte kjo?
- Eshte nje kurore per ty, - u gjegj i gatshem ai.
- Jo, - tha vajza, - kjo eshte nje unaze dhe ti je fati im. A martohemi bashke?
Pranveren e kaluan me ha-haa e hi-hii. Ne vere ndonje tel nervor u nxehej nganjehere. Me afrimin e gjemimeve te vjeshtes, gernjet erdhen duke u shtuar. Dimri qe i gjate, por edhe i rende. Ciftit i shkoi stina gam e gam me njeri-tjetrin.
Ende pa u mbushur njembedhjete muaj e nje jave, nje pasdite teksa reshte bore, ajo verejti se unaza kishte nisur t’ia nxinte gishtin. Kushedi perse, iu kujtua dita e asaj dalldise se furishme dhe, ne deshperim e siper, i
mallkoi te gjithe ata qe thone se ylberit i mungon e zeza.
0 comments:
Post a Comment