NEHAT JAHIU: SOT NA PASKA IKUR KOMANDANT “GURI”

Në sytë e mi sot ngrinë ca pika lotë
Kur më thanë se paske ikur nga kjo botë
Paska ikur ai që s`mundi ta kapë as plumbi
Më thanë paska vdekur Komandand “ Guri”.

Më thanë se na paska ikur sot në amshim
Jetullah Çarri një luftëtar, një burrë trim
Paska ikur dëshmori që ndezi flakë lirie
Emblema e UÇK-së i kishte shumë hije.

Na paska ikur vëllezër një shqiponjë lirie
Që luftoi për atdheun e për vendlindje
Sa dhembje ka sot Kosova komandant për ty
Sepse për te luftove ta shohësh në liri.

Sllupçani komandant po të përkujton ty
Kur sulmoje mbi armikun për të madhen liri
Të përkujton, o bir i shqipes i tërë vatani
Ty, o Komandant “ Guri”, ty, o Jetullah Çarri.

Komandant ty gjithnjë do të kujtojë vatani
E kurrë nuk do të harrojë në shekuj Sllupçani
Nuk do të harrojë gjithë Karadaku i krenarisë
Ty, komandant “ Guri”, o trim i shqiptarisë.