Arqile Gjata: MË DËRGO SONTE NJË COPË LETËR TË BARDHË!

GËZUAR FESTËN E TË DASHURUARËVE!

“..pa fantazi nuk ka poezi!”

E di...
Ti tani je pranë detit!
Unë, si përditë të kujtoj.
-Kërko nëpër shpirtin tënd,
më dërgo një copë letër të bardhë
të shkruaj vargje për dashurinë tonë!
Dërgoma sonte me karvanin e yjeve,
mos harro, puthjet për shën Valentin
bëja gjerdan hënës në gushë!

KUR VIZATOVA NJË FLUTUR…

Dikur, në festën e Shën Valentinit
vizatova dhe unë një flutur…
Për Shën Valentin më erdhe ti,
ishte ajo ditë e çiltër, si loti
kohë, kur vizatohej vetë dashuria.
Ishim gjithmonë fare pranë
brenda njeri-tjetrit,
gjinjtë e tu mbaja ndër duar
me të puthura dhe përkëdheli…
Këngët tona, të asaj nate
i dëgjonin valët e detit
dhe hëna …
Vjenë përherë e gëzueshëme
ditëlindja e dashurisë.
Në festën e shën Valentinit
era e dashurisë të zhvesh lakuriq,
muzika na përhapet në fytyrë,
të vallzojmë duam, të dy…
Jeton përsër dashuria jonë!