Nehat Jahiu: PLAGËT TË KANË HIJE BIRI IM

Asnjëherë biri im gjakun nuk ta shita
Kurrë nuk më mashtoi koha e pakohë
Bukën e shtruam në sofër me kripë e zemër
Nuk desha kurrë ta koriti fisin e as votër.

Plagët tua nuk pranova për asnjë çmin t´i shes
Me lotët të syve çdo ditë nëna t´i ka pastrua
Plagët sa shumë në trup të kanë hije
Sa të shenjta të janë ,vetëm gjak lirie kanë.

Nuk mund t´i shes, o biri im plagët tua
As për cilëndo kohë me t´i harrua
Të shtrenjtë e ke gjakun e derdhur për atdhe
Mbështjellur me aromë lulesh të trëndafilit ku ke le.

Biri im ta njoh shpirtin tënd e plagët e lirisë
Ka kohë që thell t´i kam futur në vargun e poezisë
Unë jetoj dhe do të vdes birë me plagët tua
Dhe asnjëherë biri im nuk t´i kam harrua.

Aë ditë sëbashku me nënën kishim qarë e kënduar
Eh, si mundem atë këngë lirie birë për ta harruar
Një ditë kjo flakë e dritës dhe jetës do të ikën
Për asnjë çmim të jetës plagët nuk kam për t´i shitë.

Në atë kohë ti e di se nëna me fijen e flokut
Me një fashë t´i ka lidhur plagët e gjakut
Unë t´i puthja o biri im plagët e lirisë
E t´i vëja në vargunn më të bukur të poezisë.