Skënder Berisha: NJË ÇAST HESHTJEJE

Nëse hesht mos pandeh se kam vdekur
jam këtu si moti dhe i paepur
veç pak pushova për sa ora
dhe një tjetër vrull mora

nuk mund të rri i heshtur si ti
ani se për mua nuk eksistojnë mrekulli
veç pak dremis veç për pak
se nuk dua lak në qafë

nën pushtetin e shkurtë të qetësisë
ndiej krejt goditjet e ligësisë
një orë ligjerate për shpirtin
pastaj levizin sytë e mi

atje te majë e plisit
ku stuhitë nisin
rrëfimin
për fisin