Monday, February 5, 2018

NEHAT JAHIU: VDEKJE PËR SË GJALLI


Ka kohë nuk di se ku jetojnë
e zërin fare nuk ua dëgjojmë,
ose diku gjenden të vdekur
ose si letër diku janë djegur.
I kërkova e askund nuk i gjeta
nuk e di ku i ka tretur jeta,
tek varreza kur pyeta
m’u dha saktësisht përgjigja.
Mos i kërko ata në këto varre
as nëpër male,
zëri i tyre ka kohë që është tretur
nuk e dimë ku kanë heshtur.
Unë nuk e pranova këtë mendim
që më tha një miku im,
mos u mundo t’i gjesh tek varri
se ata kanë vdekur për së gjalli.

0 comments:

Post a Comment