Baki Ymeri - DIALOG ME KOHËN

(Dialog cu timpul)

Shpirti nganjëherë fluturon lart
Dhe nuk e sheh
Por kur kthehet
Ka kundërmimin e yjeve
Që të shpien
Në botën e imagjinatës
Të guximit dhe rezistencës

Në vendlindjen magjike
Vjen vjeshta magjike
Me mbrëmje magjike
Fjalët e shprehura me elegancë
Kanë një mision të shenjtë
Për ta ndezur flakën e frymëzimit
Në brigjet e ëndrrave emocionet
Inteligjenca dhe magnetizmi
E ushqejnë njerëzimin me dritë
Durim optimizëm dhe shpresë

Dialogu me kohën të fton
Për të krijuar botën
E një cilësie më të mirë
Me energji fizike
Dhe ëmbëlsi shpirtërore
Me aftësitë e lindura
Për t’i nusëruar fjalët
Që nuk mplaken kurrë…