LULZIM BREZNICA: KRAHAS ME DASHURINË

Asgjë mos thuaj,
E ndjen,
Prania ime,
Të ndjek si hije e pashkëputur.

Mbyll sytë, hap zemrën
Dhe shijo
Fërshfërimën e gishtrinjëve të erës
Kah valëzon
Gërshetat e flokëve të tu.
Zogun e pritur të stinës,
Këngën e saj
Tek derdhet si jehonë
E jona është Dashuria.

Ne s'jemi vetëm,
As të humbur jo,
Gjerisa ecim
Symbylltas
Vijëzimeve ku jeton e ardhmja
Krahas me të.