Prend BUZHALA: MARSHI I PËRTASHËM TURK DHE TURQIA E VITEVE '90

(Kundrime), 2

A thua, Kosova, dje, me marshin e saj pro-turk, tregoi se ka gisht në ngjarjet erdoganiste?! Se qenka pjesë e tyre?!
Përse nuk pati këso marshesh në SHBA a nëpër Evropë, apo nëpër vendet arabe, por vetëm në Kosovë?
1.
E cili marsh turk ka ndodhë gjatë viteve '90 kundër Serbisë?
Madje, në ato vite, shteti turk nuk lejoi as themelime asociacionesh politike të Kosovës a qeveri në ekzil, nuk lejoi asnjë tubim shqiptar a mbledhje shqiptarësh... me pretekstin që të mos prishet me Beogradin!!!
Ishte dhe një pakicë turke e Kosovës, që, duke ndjekur shembullin e shtetit turk, nuk iu bashkëngjit lëvizjes së rezistencës shqiptare në Kosovë, por iu bashkëngjit sistemit millosheviçian që kishte kryer gjenocid në Srebernicë; nuk i qe bashkëngjitur as sistemit arsimor të Kosovës, por atij millosheviçiano- serb që predikonte masakra e shfarosje të reja kundër popujve përreth, nuk iu bashkëngjit as lëvizjeve të mëvonshme...
2.
E tash?!
Kosova e dhunuar dje nga pushtues serbë e nga pushtues gjenocidalë otomanë, lejon marshe me flamuj turqish e me karakter anti-Kosovë... Ajo po dhunohet vazhdimisht nga këso marshesh e gazimestanësh...
Le ta dinë: ata flamuj turq mua nuk më përfaqësojnë! Ndoshta i përfaqësojnë institucionet që iu bashkëngjitën, po jo popullin!
Serbia mban manifestime në Gazimestan dhe kurrgjë kurrkujt...
A është ky shtet i Kosovës apo shtet turko-serb?!
Këto marshe, nga popullata shqiptare duan të prodhojnë turq në emër të fesë dhe një shtet në emër të fesë, si shtesë turke?
A është Kosova territor serb, territor islamik-turk, apo territor i Kosovës?!
A është trashëgimia e Kosovës trashëgimi jona, apo trashëgimi serbe e trashëgimi turke?!
Nëse nën sundimin otoman fara e tillë sakrifikonte Shqipërinë për të ruajtur emrin perandorak-otoman; nëse gjatë viteve '30 e '50 me Marrëveshjen jugosllave-turke, shqiptarët shpërnguleshin për nën Turqi me firmën TURK; nëse gjatë viteve ’70 jo pak veta shkruheshin myslimanë (sipas shembullit serbo-titist të krijimit artificial të kombit mysliman në Bosnje), nëse fara e tillë sot mendon, sikur dje, ta shesë shkollën shqipe për mejtepe turke, dje, atëherë përse ka një përpjekje të ethshme që këto shkolla të rikthehen në mejtepe të djeshme e me rite mejtepesh, si po veprohet nëpër disa ambiente universitare, shkollore apo madje dhe akademike!!!?
Më duhet ta përsëris: janë fakte të gjunjëzimit të politikës e të arsimit tonë...