SI NUK E KISHIM DITUR NE SHQIPTARËT QË AQ TRIMA,
DËSHMORË DHE HERONJ TË GJALLË KISHiM PASUR.
Po të marrësh dhe të lexosh në facbook, në portale, në
gazeta, revista e sidomos të shikosh mbrëmjeve ekranet televizive të mbushura
me aq shumë trima, dëshmorë dhe heronj të gjallë të shqiptarisë besoj se është
krenari e madhe për kombin tonë, por kur vie puna për ti numruar kokrrat e
fasulës aty ku derdhet gjaku, aty ku falet jeta për komb e atdhe askund nuk
mund ti gjesh të tillët, por edhe adresat nuk mund të ua gjesh se ku kanë ikur
dhe nga ia kanë mbathur duke ikur. Kush duhet të flas për komb e atdhe? Ata që
u futën në front të luftës? Ata që derdhën gjakun e tyre duke luftuar nëpër
beteja? Ata që i lanë pjesët e trupit nëpër fusha e male. Ata që ia falën jetën
atdheut dhe lirisë apo duhet të flasin dhe të na tregojnë patriotizëm,
atdhetarizëm ata të cilët vodhën dje, vjedhin sot e do të vjedhin nesër djersën
e popullit? Ata që shkelën, ata që po shkelin dhe ata qe do të shkelin mbi gjakun
e bijave dhe bijve më të dashur të kombit? Deri kur do ti dëgjojmë të tillët
dhe do u shkojmë pas atyre qe dje , sot dhe neser janë mësuar për ta shitur
bythën e tyre për pushtet, për tendera, për karriga dhe... E ne mu të tillve ju
shkojmë me vite të tëra pas. Atyre që i kanë ndrruar partitë politike si aba
Ajshe që dikur i ndrronte burrat. Nuk kanë faj aspak këta. Dihet fajtor jemi ne
që kurr nuk e ngritëm zërin për ta thënë një fjalë, por vetëm heshtëm e atyre
ju shkoi, po u shkon dhe do ju shkoj uji në mulli.Kështu është kur livadhin
është pa zot ju vjenë radha ta kullosin edhe shumë pela qorre. Le ta kullosin,
sepse ua kemi dhënë vet shansin gjithmon. Le të dalin për çdo natë dhe le të na
shesin demagogji dhe hipokrizi. Këtë ua kemi mundësuar ne .
0 comments:
Post a Comment