Ramiz Kuqi: Cikël Poetik

RRËSHQASIN

Gishtërinjtë e mi 

Si tingujt
Mbi pianon e lodhur

Nga rrëshqasin këto pika shiu
Sonte?

Te Ura e Gurit
Ështe veshur nata
Me fund të zi?

Në Tiranë
A bie udhëve ndonjë këmbanë?

Rrëshqasin
Si krimbat me njëmijë sy!

DEGËZIM

Degëzohu ti lum andej
Rrjedhës së damarëve
Për Evropë
Do të mbetësh
Leckë
Dhimbjen mbi plagë
S'ti shëron asnjë fjalë
Shtrij duart
Në gurrën tënde
Mblidh
Ëndrrat tua të shekujve
Në një varg atdheu !

3.5.2017

Ç' FRYN

Erë e lehtë e rëndë
Erë me tallaz
Tiranë
Ç'kanë udhët,ç'kanë
Seç duartrokisin fjalët
Zërat
Si tinguj të ngrohtë
Të egër
Ç'fryn moj erë
Erë nga deti
Nga malet
M'i frikëson zogjtë
Qiellin me shi !

KUR ZBRET NATA

Çadrat bien në heshtje
Hëna
Ulet në sofër
Ta gjej udhën e
Mbyllur mes shkronjave
Pa presje e pikë
Kur zbret nata
Grish diellin në Tiranë
Në një libër të pashkruar !

PAK VERË

E mira e detit e bukura pulëbardhë
Të grish sonte buzë bregut të luaj pak me valë
Ta vras kohën me pucrra qiellin e zi
T'i mbledh miqtë e fjalës në sofër të pi

Pak verë sa gota nuk është thyer në tavernë
Ta deh fjalën kur jashtë rigon mbi qyngje shi
Bonjake është nata pa puthje në varg
Sojnike e heshtur c'më vjen sonte me detin pulëbardhë llahtari !