Arqile Gjata : Cikël Poetik

NGJYRA E VERDHË E JETËS

“ Gjej shumë realitete te fantazia.”
F.Franklin

Në ditë shiu,
në qytetin e verdhë mos i përdorni ngjyrat...!
***
I verdhë ajri
mendimet të verdha si ëndrrat
pikat e shiut u japin madhështi,
lulet dhe pemët zverdhojnë,
shpendët në fluturrim bëjnë çudira
të verdhës ngjyrë i ngjajnë.
Fryma e jetës
luhet nëpër skena të verdha
ku shkruhet biografia e kohës
vallëzojnë erëra në muzgun portokalli
në mbrëmje, kur qan qyteti...
hëna në vetminë e saj ia shton verdhësinë!

Në thellësi të syve të vitit që po largohet
ngjyra verdhoshe pështillet në ethet e lakmisë
të gjithë këmbësorët do digjen pak e nga pak në verdhësi
prej saj dhe Viti I Ri do vuaj nga ngjyra e verdhë...
nëpër shëtitore, mbrëmjeve do ndizen qirinjë të verdhë.
Jeta, do përpëlitet thell në verdhësinë e peisazhit,
gruaja më e bukur, një trëndafil i verdhë!

SYTË E DASHURISË

Tani,
në stinën e jetës time
po dëgjoj fëshfërimën e erërave
të viteve…
Mendja më shkonë
tek sytë e dashurisë së parë,
kur dikur
një luleshqerkë më dërgonte puthje
t'më jepte vite lumturije…
Në këtë Vit të Ri
me guxim, jetën do e shkruaj me tinguj
e ajo eremira dashuri,
veshur me puthje do tingëllojë si një polkë muzikore!

GJATË KËTIJ VITI…

Thuhet, në këtë vit të ri
do jetojmë enigmën mes trupave gjeometrik
me shpresë,
të gjejmë kohën e ëndërruar.
Mendueshëm do vështrojmë enigmën e trupave qiellor...
mes përfytyrimesh
do mbledhim fytyrat e miqve të gjallë
dhe të vdekur.
Zemrat njerëzore, si një pupël
do flladiten mbrëmjeve,
në të gëdhir, nga djepi i saj
do na dhuroj një grusht diell...!

KOHA ECËN...

Dhe pse ishte thënë,
“Bota do shuhet”,
ajo përseri ecën...
ia njohim hapin, ajo ecën bashkë me ne!
Bota,
tashme është një relike,
askush nuk e thotë me zë
vetem tik-taku i orës se shpikur!
Ejani...
t’ ia ndërtojmë muzeun,
aty do gjejmë madhështin e saja
pa zemër e gjak.

Janar 2018