Tuesday, January 16, 2018

RAMIZ KUQI: CIKLI POETIK " JANAR I FTOHTE"

E DIEL
E tora kohën sot në McDonals
Aty ku ora rrotullohet në vend
Me mikun tim poet
Lesh(o) më nëpër labirinte
Një klithmë
Pushtetarë ministra deputet
Që hanë palcën e kurrizit të popullit
Të pangopurit e shekullit të ri
Që duan t’i shterrin gurrat lumenjtë
E diel
Sa rëndë është të belbëzosh
Aty je zë trumcaku
Hije e padukshme nëpër udhë
Fjalë pa Kryefjalë
Pika të derdhura bore
Që fluskojnë!

TE NDRYDH NE VETEN TIME

Të ndrydh në veten time
Si një fëmijë buzëgaz
Me të qara e vaj
Virgjërisht kur më vjen
Pa lajka në varg
E strukesh qetësisht
Sikur zbraz një shtëmbë
Nga gurra
Të ndrydh në veten time!

SIKUR TË ISHIN
(Recak)
Sic flasin
Nëpër dhimbjet tona
Qielli do të nbushej me zogj
Nata
Do të bëhej dritë
Ylberi do të zbriste
Mbi lumë e vargje
Të pinte
Aromën e ëndrrave
Paluar nëpër shekuj
Sikur të ishin!

UILIAM WOlKER

Janar i ftotë
Sa herë kur vjen në Recak
Zgjohen dëshmorët
T’u flasin të gjallëve
E bëhen pëllumba të bardhë
Rikthehen si ushtarë
Rrinë zgjuar, zgjuar
Uiliam Woker
Pak është një permendore
Një roman
Mbi tokën e vrarë
Që po lindtte
Janar i ftotë.,,

VALBONA
(Pamje e lumit që të mahnit)
Derdhu derdhu ti lumi im
Lum malli nëpër atë grykë
Ti bëre luftë me armiq shekujsh
Si ashti me thikë
Pa lermë një cast t’i puth dallgët
Dhe syrin e bukur plot hijeshi
Kur prrockat derdhen mbi supet tua
Ti llahtarisht del nga strati me shi
Më thuaj për ëndrrat e natës
Dhe diellin tim me njëqind sy
Do të takohen bregu me brigjet
Mbi varg e qiell kjo fjalë në Iliri
Te shelgu i butë kur të celin lulet
Një Zog mbi krahë të fluturoj
Sa larg sa afër më duken orët
Një prijës një emër Gjergji një hero

0 comments:

Post a Comment