NEHAT JAHIU: Cikël Poetik Për Fëmijë

EJANI SOT NË SHKOLLË!

Ejani sot shoqe e shokë
banga në shkollë po na pret,
ejani se zilja po na fton
sa shumë mësuesja na don.

Ejani nxënës përsëri në shkollë,
me ato çanta të bukura në dorë,
ejani nxënës e mos keni frikë fare,
se shkronjat ju presin në abetare.

HAPE DERËN SHKOLLA IME!

Sa shpejt edhe këto pushime kaluan
porsi lumi me ujë të kulluar,
e ne nxënësit ishim në pushime
sot përsëri kthehemi tek ti shkolla ime.

Para ca ditësh të lam vetëm shkolla ime
se ne shkuan në pushime,
pomegjithëse mjaft kemi pushuar
nga mendja ty nuk të kemi larguar.

Hape derën e ta shoh shkollën time
prap të vij e të ulem tek karriga ime,
të ulem unë aty e të mësoj
tek ti shkolla ime dituri dua të fitoj.

TRINGËLLON ZILJA

Zilja e shkollës sot po tringëllon
të gjithë nxënësit në shkollë i fton,
e fton ajo çdo shkollarë
që nga klasa- klasa e parë.

Tringëllon zilja për mrrekulli
nxënësit nisen me kënaqësi,
shkolla i hap dyer e dritare
i thërret të lexojnë në abetare.