Ramiz Kuqi : Cikël Poetik

MERR

Vetëm atë që të takon
Qoftë edhe ëndërr e bukur
A cicërimë zogu në mëngjes
Që ta mbush shpirtin me dashuri
Duaje veten deri në shtrydhje të mallit
Për një fjalë kapërce dege oqeane
Pranë qiriut në mesnatë shpalos
Një varg khajami
Mbi buzë lë zbret si ujëvarë e ëmbla
Buzëqeshj
Jeta është si hije nëpër dhimbje
Merr një rreze dielli në mesditë
Mbështille muzgun duke perënduar
E arta stinë
Duaje veten deri në shtrydhje të mallit
Dhe ngrite një dolli derisa të derdhet
Kupa e hidhërimit mbi varg!

ËSHTË...

Ec drejt një pylli pa emër
Mbuluar me gjethe vjeshte
Është njē gur me disa shkronja
Kujdes mos t’i trembësh zogjtë
Në folenë e heshtur të strukur
Diku mes një trungu është zë
Si një jehonë që derdhet në luginë
Në majë te Kodrës të shqiponjave
Shihet një qiell e një ylber
Që rrallë nxjerr kokën kur bie shi
Mbi një urë janë dy brigje të thella
E një lumë i gjatë që derdhet stinëve
Bart më vete mallin e pashuar të dallgëve
Është edhe një fjalë e njē këshillë njeriu
Që urtësinë e mban mbi varg !

DERI NË FUND

Hapërim
Mbi udhë kalldërmi
Hije lypsash
Lisa të gjatë
Hije
Pa gjethe
Dielli do të zbres
Mbi vargje
Nëpër damarë të tokës
Heshtje mbi dosje
Si prilli i thyer
Bëj e (zh)’bëj
Po dielli do të zbres
Mbi vargje poetësh
Arbëri!

MIKU IM

(F. D.)

Hodhi në poezi një varg
Të parën fjalë për dashuri
Iu mbush liqeni me erë lirike
E para e bukura shkëlqim në poezi

Harroje i thashë gjumin deri në mesnatë
U bëre zog nate deri në agim
Në kërkim të një ëndrre të re
Do të gjej agimi i diellit në shkëlqim

Të parën fjalë për dashuri !

MIKU IM

(F. D.)

Hodhi në poezi një varg
Të parën fjalë për dashuri
Iu mbush liqeni me erë lirike
E para e bukura shkëlqim në poezi

Harroje i thashë gjumin deri në mesnatë
U bëre zog nate deri në agim
Në kërkim të një ëndrre të re
Do të gjej agimi i diellit në shkëlqim

Të parën fjalë për dashuri !