Fol e ngritu mbi veten tënde. Ky është misioni yt fisnik.Nxirre mllefin tënd, atë mllefin e shtresuar nëpër vite. Fol!
Fol për njerëzit e mirë që dhanë gjithçka nga vetja, kur e kërkoi koha.
Fol për mërgimtarët , të cilët dhanë sa herë u kërkue nga ata për atdheun që përpëlitej mes jetës e vdekjes... të cilëve nuk u dha asnjë dëshmi për kontributin e tyre.
Fol për mësuesit që u rrahën barbarisht nga policia serbe pēr të vetmin shkak se nuk iu nënshtruan shtetit serbosllav ... e pas gati tetëmbëdhjetë vjet nuk u kujtua asnjë Ministri e Arsimit Shqiptar t’ua ndajë nga një copë letër me vlerë as dhjetë cent, sëpaku simbolikisht t’ua zbusë atë mllef për mospërfillje institucionale prej asnjë qeverie deri më sot.
Fol moj fjalë!
Fol për ato nëna që gjatë luftës u dhunuan e pas kaq vitesh dikujt i ra në mendje se duhet mbështetur edhe pse kjo mbështetje atyre nuk ua shëron plagët kurrē, deri kur t’i mbulojë dheu.
Fol edhe për ato nëna që gatuan tërë natën bukë për ushtarë e rrallëkush e mori nëpër gojë. Ato ishin nëna historike!
Fol për plangprishësit që u turrën për zaptime pronash sikur ato t’ua kishin lënë baballarët e tyre.
Fol për arsimin sot , të cilin e sakatuan me lloj lloj karikulash e asnjëra rezultate nuk dha deri sot.
Fol për ato vila luksoze që janë ngritur pranë të gjitha rrugëve magjistrale nga zotërinjtë e pushtetit, pa asnjë kriter ligjor. Fol!
Fol para se të varroset fjala , se i vdekuri nuk flet kurrë!
Fol për Luket e Migjenit që varfëria i ka detyruar të shndërrohen në femra të përda, për disa euro!
Fol për Luket e Migjenit që varfëria i ka detyruar të shndërrohen në femra të përda, për disa euro!
Fol për të pangopurit e klasës , të cilët kanë hapur gojën ta gllabërojnë për së gjalli këtë popull të urtë e fisnik.
Fol për qyqarët!
Fol për analistët e djeshëm të cilët me ëndje i përcollëm dje... i konsideruam si “ engjëj”.
Sot janë krah i së keqes nëpër parti!
Për një rrogzinë më shumē!
0 comments:
Post a Comment