Arqile Gjata: GRIMCA POETIKE…

Në ajrin e sëmurë
u plakën mendimet
deti u thinjë deri në rrënjë
pikë loti nuk ka në sy.
Veç zogjtë jetojnë të lumtur.
***
Ah, ju Nëna...
jeta mbi prehrin tuaj mbahet!
Netëve,
të dëshpëruara
ninulla këndoni me duar ngarkuar me fruta.
***
Vjeshta e sivjetshëm
dashuruar me shiun,
bashkë me gjethet.
u zverdhën dhe të papunët.

***
Jashtë,
janë mbledhur fëmijët, burrat
luajnë me kukulla, poetëve
u shkonë flaka përpjetë.

***
Kur heshtja bëhet më e fortë
pulëbardhat nëpër erëra rrëshqasin
mbushur me ide
mbi dallgë shkundin krahët.