Shumë herë është biseduar dhe shkruar për sjelljen e ligjit për gjuhën shqipe dhe zyrtarizimin e saj
Një ditë pata rastin të lexoja se u prit kaq kohë që të dalim në skenë unë dhe..., bashkë me Zoran Zaevin , të sjellim ligjin për gjuhën shqipe dhe.... Pastaj thuhet se e dijnë shqiptarët kush po e zyrtarizon gjuhën shqipe. U qesha disa herë me këto përralla dhe kopalla.
Gjuha shqipe nuk ka pas nevojë asnjëherë shekuj me radhë të zytarizohet as nga krali e as nga mbreti e lere më nga ti dhe nga.... As Zajevat, Gruejevskat, Crvenkovskat, Gligorovat, Georgiavskat dhe... Mua sa e di gjuhën shqipe ma ka zyrtarizuar nëna ime e ndjera që kur më përkundte në djep duke më kënduar ninulla në gjuhën time amtare shqipe. Gjuhën shqipe shqiptarët e flasin shekuj me radhë në trojet e tyre stërgjyshërore dhe ate e kanë zyrtarizuar dhe ruajtur shekuj me radhë brez pas pas brezi nga të parët e tyre. Kjo gjuhë sa herë që është rrezikuar i ka ujitur shkronjat e alfabetit te vet me gjakun e bijave dhe bijve më të dashur të saj.
0 comments:
Post a Comment