Arqile Gjata: GRATË E POETËVE

Vijnë gratë e poetëve
palë-palë,
mbushur shpirtin me këngë.

Këto gra me luk të ndryshuar,
ditë e natë përtypin ëndrra
për burat trullosur nga frymëzimet.

Gratë e poetëve idilike,
”Natyrë e qetë” në kopshtin me ajër të poezisë,
feksin si mollë e ndalueme,
shembur mbi shtrat, të joshura
nga dashuria e burrave poetë.

Nuk u del shpirti pa u botuar libri
me fjalor muzikor
“Gratë janë fajtore”!