Nexhat Rexha - ARDHJE ME SHERR

Shkarraviten nëpër ulëse autobusi
Për të rimarrë gjakun e marrëzisë
Ata vijnë me kuje e lavde
Për të ripërtrirë trishtimin e tmerrin

Bezdisin dritën e terrin
Kur bora shkrinë jetën akull
E dhembja pikon gjak
E vrasjet tona diktojnë t`i harrojmë

Shpikën magji e dredhi
Në sy të botës maskara
Sjellin shtrembërimin me lot në sy
Mirazhe dehjesh krijojnë me tytën n`pafajësi

Lidhin ditën turp me pelegrinazh mashtrimi
Andej kah vijnë sjellin vrer
Këndej vijnë e shkojnë me dekorata
Në fantazinë vrastare mbulojnë kotësinë

Njeriu i kësaj stine lidh shpresën
Po ku ka bre njerëz
Më shumë se këta që mashtrojnë botën
Dhe hilen e madhërojnë si kultin e jetës

Shtëpia ime pikon gjak lirie
Në thellësi të tokës flet dashuria
Ato rriten bashkë me bimët e lashta
Kur vjen kohë e shkuar lisat tmerrohen

Ardhja mashtruese verbon evropën
Shamijat e zeza kujtojnë vitet e tmerrit
Gurët e kalamajve nuk ndalin sherrin
Pikon e pikon dhembje kockash ndër ne...

Me 6 janar 2017