Ramiz Kuqi : Cikli poetik " Natë"

NATË

I dridhet buza vjeshtës me shi
Dridhen zogjtë e strukur nëpër degë
Zëri i fjalës nëpër rreshta
Dridhet heshtja mbi varg
Në gropëzave të syve një liqe
I thellë sa një oqean
Ç’u dergj kjo natë
Ç’u dergj !

KATALONI

Ti letër e përgjakur e fjalës
Gjeografi dhembjesh
Në hartën e sëmurë të Evropës
Qiell i mbushur me zogj tē rinj
Që trembin
Mbretër e perandorë

Ti letër e përgjakur e fjalës !

IKU

(Robert Elsit)

Miku i fjalës shqip
Njē natë vjeshte
Kur gjëmoi deti me dallgë
Mik
Ta kemi borgj fjalën
Ngritur nē folenë e shpirtit
Fjalë për fjalë i mblodhe
Si fijet e shpërndara
Germat shekujt
Ta kemi borgj fjalën !