Ramiz Kuqi: Cikli poetik "Gjethet e Zverdhura"

BIE NJË FYELL

Bie
Bie ndër male

E një lumë
Degëzon në dallgē

Një rrugë e gjatë
E lodhshme vjeshte

I mbledh gjethet
Nëpër arka shprese

Një hap majtas
Djathtas

A ka ditë lumnie për Ty
O lypës?

Refren i përditshēm
Tingull i shpërndarë

Askush zërin s’ta njeh
Shputat e çara nëpër trotuare

Bie një fyell
Bie!

ÇAST LIRIK

Kaptova me Ty fjala ime
Dete brigje udhët përplot me shi
Ëndërrova të bukurën e liqenit
Atdheun në këmbë lirinë me shumë sy.

QAVA

Kur s'munda të qesh
Qesha
Kur s'munda të qaj
Lot guri është bërë
Kjo vjeshtë !

Jashtë
Gjethet e zverdhura
Era i shkund !

PO SHUMËZOHEN

Vrasësit e Fjalës
Si shushunja
Zot
Ma ruaj stinën
Shpirtin e shenjëzuar
Emrin
Shkronjë për shkronjë
Hap një profil të ri
Të dashurisë
Trualli im i lindjes
Do diell!